អាហារពេលព្រឹកភាគច្រើនគឺបាយស្រូប, គុយទាវជា​ដើម ។ អាហារពេលថ្ងៃត្រង់គឺ​​ បាយជាមួយសំលរ ឬក៏ឆា ។ ចំណែកអាហារពេលរសៀលទៀតនោះគឺជាអាហារដែលប្រជាជនខ្មែរភាគច្រើនបរិភោគបន្ទាប់ពីគាត់បាន​សំរានថ្ងៃរួច ក្រោយពីងើបពីសំរានថ្ងៃរួច ពួកគាត់តែង​តែឃ្លាន ដូច្នេះភាគច្រើនគាត់បរិភោគបាយកក(ដែលជាបាយដែលគាត់ដាំសល់ពីថ្ងៃត្រង់) ហើយចំពោះម្ហូបដែលគាត់យកមកបរិភោគនោះគឺ ប្រភេទអាហារគោតៗដូចជា លៀសហាល, ប្រហុកចិញ្ច្រាំ, និងក្តាមប្រៃជាដើម វាគឺជាអាហារដ៏ឆ្ងាញ់បំផុតសំរាប់ពេលរសៀលដែលងើបពីដំណេកថ្ងៃ ។ ហើយរហូតដល់ពេលយប់គាត់ក៏ចាប់ផ្តើមអាហារពេលល្ងាចបន្តទៀត ប្រភេទអាហារពេលល្ងាចមានដូចជា សាច់អាំង និងស៊ុប ។ មិត្តអ្នកអានធ្លាប់បានបរិភោគបាយកកជាមួយក្តាមប្រៃទេ ? ធានាថាពិតជាឆ្ងាញ់ណាស់ ។