05 May 2015
វិធីខត្រីរៀលដើម្បីឱ្យឆ្ងាញ់
គ្រឿងផ្សំ
-
ត្រីរៀល ១០ ក្បាល
-
អំពៅសាង ២ថ្នាំង
-
ស្ករត្នោត , ប៊ីចេង, ខ្ទឹមចិញ្រ្ចាំ,ទឹកត្រី
វិធីធ្វើ
យកឆ្នាំងដាក់ទៅលើចង្រ្កាន
នៅពេលឆ្នាំងក្តៅ ចាប់ផ្តើមដាក់ស្ករត្នោតចូលរួចកូរអោយសព្វ ។កូរ រហូតដល់ចេញពណ៌ជើងអង្រ្កង
បន្ទាប់មកដាក់ខ្ទឹមស ប៊ីចេង ទឹកត្រី និងទឹកស៊ីអ៊ីវបន្តិច
នៅពេល ដែលកូរចូលគ្នាសព្វហើយ ដួសគ្រឿងទាំងនោះដាក់ក្នុងចានមួយឡែកសិន ។ បន្ទាប់មកចាប់ ផ្តើមយកឆ្នាំងដាក់លើចង្រ្កានម្តងទៀត
នឹងចាប់ផ្តើមរៀបអំពៅសាងក្នុងឆ្នាំង ។ ក្រោយរៀប អំពៅសាងរួចរួលហើយ
ចាប់ផ្តើមរៀបត្រីរៀលនៅលើអំពៅសាងនោះតែម្តង ។ នៅពេលដែលរៀប ចំរួចរាល់ហើយ
យើងចាប់ផ្តើមយកគ្រឿងផ្សំដែលយើងបានចំអិនរួចរាល់នោះទៅចាក់ពីលើអោយ សព្វត្រីដែលបានរៀប
ហើយរម្ងាស់ដោយប្រើភ្លើងមិនខ្លាំងនោះទេ ។ នៅពេលរម្ងាស់ ទឹកនឹងរីងស្ងួ ត
ដូច្នេះត្រូវយកទឹកឆ្អិនមកចាក់បន្តិចម្តងៗ រម្ងាស់រហូតដល់សាច់ត្រីឆ្អិន ។ ចំពោះខត្រីរៀលនេះគឺ យើងមិនត្រូវការទឹកច្រើនពេកនោះទេ។
មុខម្ហូបនេះសាកសមជាមួយនឹងបបរស។សូមអ្នកទាំង អស់សាកល្បងធ្វើនៅផ្ទះ នឹងបង្ហាញមកអោយខ្ញុំមើលផង
។ អរគុណ
