បាយឆា បង្គាដ៏ឈ្ងុយឆ្ងាញ់

Posted by : Khmer Food 24 April 2015

បាយឆា បង្គាដ៏ឈ្ងុយឆ្ងាញ់

គ្រឿងផ្សំ

-បាយស ១ ចានចង្កឹះ

-បង្គា ៥-៦ ក្បាល

-ខ្ទឹមស ចិញ្ច្រាំ ១ ស្លាបព្រាបាយ

-ស្លឹកគ្រៃ ១ សន្លឹក

-ម្ទេសខ្ចី និងទុំ (ហាវៃ) ១ ផ្លែ

-ជីរវ៉ាន់ស៊ុយ ហាន់ ១ ស្លាបព្រាបាយ

- អំបិល ១ ស្លាបព្រាកាហ្វេ

-ពងមាន់ (វៃចូលគ្នាអោយសព្វ) ១ គ្រាប់

-ទឹកត្រី កន្លះស្លាបព្រាបាយ

-ទឹកដោះគោឆៅ ២ ស្លាបព្រាបាយ

-ទឹកម្ទេសខាប់ ១ ស្លាបព្រាបាយកន្លះ

-ទឹកក្រូចឆ្មារ កន្លះស្លាបព្រាបាយ

-ប៊ីចេង ឬ ម្សៅស៊ុប បន្តិចបន្តួច

វិធីធ្វើ

១-យកបង្គា មកបកសម្បក ហើយហូតយក សរសៃខ្មៅខ្នងចេញ លាងទឹកឱ្យស្អាត រួចយកទៅស្រុះទឹកក្តៅ ទើបស្រង់ដាក់ចានទុក

២-ជីរវ៉ាន់ស៊ុយ និងស្លឹកគ្រៃ បេះលាងទឹកឱ្យស្អាត រួចហាន់អោយល្អិតៗ

៣-យកម្ទេសហាវៃបេះគ្រាប់ចេញ ហើយលាងទឹកអោយស្អាត រួចហាន់ជាបន្ទះ ស្តើងៗ

៤-យកខ្ទះដាក់លើភ្លើងអោយក្តៅ ចាក់ប្រេងចូល ពេលហុយផ្សែងហើយ ដាក់គ្រឿងចូល ឆាត្រលប់ចុះឡើងឱ្យឈ្ងុយ រួចដួសដាក់ចានទុក ។

៥-ដាក់ខ្ទះ និងប្រេងឆាម្តងទៀត ពេលក្តៅ ដាក់បាយសចូល និងពងមាន់ រួចដាក់បង្គា ឆាត្រលប់ចុះឡើង រហូតទាល់តែសោះទឹក ទើបដួសដាក់ចាន ជាការស្រេច។

អ្នកឧបត្ថម