23 April 2015
ចេតិយ៏ស្នេហាឃុនឆាង ឃុនផែន ខេត្តកោះកុង
ចេតិយ៏ស្នេហាឃុនឆាង
ឃុនផែន គឺជាចេតីយ៏មួយស្ថិតនៅលើផ្ទាំងថ្មកណ្តាលដៃសមុទ្រដែលមានទីតាំងស្ថិតនៅចំពីមុខទីរួមខេត្តចំងាយ១គ.ម
។ ចេតិយ៏នេះមានកំពស់ ៤ ម៉ែត្រធ្វើពីថ្មជាកន្លែងសក្ការៈបូជារបស់អ្នកស្រុកកោះកុងដែលអាចទទួលភ្ងៀវពី
១០ ទៅ ១៥ នាក់ ព្រោះមាន
ផ្ទៃដីថ្មតែ ៤០ម២។
មានរឿងព្រេងមួយតំណាលថា តាំងពីយូរលង់ណាស់មកហើយមានស្ត្រីម្នាក់ឈ្មោះ
នាងធឹម ជាកូនអ្នកភូមិត្រូវបានបុរសម្នាក់ឈ្មោះ ឃុន ឆាង ស្រលាញ់ ។ ឃុន ឆាង មានរូបរាងមិនស្អាតទេគឺគាត់ក្បាលទំពែក
ប៉ុន្តែជាកូនអ្នកមាន ។ គាត់ក៏បានទៅដណ្តឹងយកនាងធឹម ធ្វើជាប្រពន្ធ ។ ប៉ុន្តែ នាង ធឹម បានផឹតក្បត់ប្តីទៅស្រលាញ់ជាមួយបុរសមេទ័ពម្នាក់ឈ្មោះ
ឃុន ផែន ។ ឃុន ឆាងដឹង ក៏បានយករឿងប្តឹងស្តេច ។ ពេលនោះស្តេចបានកាត់ក្តីអោយពុះ នាងធឹម ជាពីរចំណែកចែកគ្នា ។ ក្រោយមក ឃុនឆាង បានយកសាកសពនាងទៅកប់នៅទីកន្លែងនោះដោយស្អប់
នឹងខឹងនាងពេកថាជាស្រីក្បត់ ។ ប៉ុន្តែគាត់ក៏ចង់អោយនាងឆាប់ចាប់កំណើតជាថ្មី ក៏យកទង់ព្រលឹងមកចងនៅត្រើយខាងកើតនៃដងព្រែកនោះឱ្យទល់មុខគ្នានឹងកន្លែងបញ្ចុះសព
។ ហើយបានកសាងចេតិយ៏មួយទុកជាអនុស្សាវរីយ៏រវាងសេចក្តីស្នេហារ ឃុន ឆាង និងនាងធឹម ។ ក្រោយមក
នៅត្រើយខាងលិច ក៏មានឈ្មោះថា ភូមិចេតិយ៏ និងត្រើយខាងកើតក៏មាន ឈ្មោះថា ភូមិដងទង់ រហូតដល់បច្ចុប្បន្ននេះមក
។
នៅទីនេះ អ្នកស្រុកកោះកុង
គេតែងតែទៅជួបជុំគ្នានៅពេលមានពិធីបុណ្យទានរបស់ជាតិ (បុណ្យប្រពៃណី)
