តៅហ៊ូបំពងបញ្ចាំចិត្ត

Posted by : Khmer Food 30 May 2015

តៅហ៊ូបំពងបញ្ចាំចិត្ត

រូបភាព Internet

គ្រឿងផ្សំ

· តៅហ៊ូ ២ដុំ

· សាច់ជ្រូក សាច់សុទ្ធ ៣២០ ក្រាម

· កំទេចនំប៉័ង កន្លះកែវ

· សាលាដ៏ ១ គុម្ព

· ប៉េងប៉ោះ ២ ផ្លែ

គ្រឿងផ្សំរសជាតិ

· អំបិល កន្លះស្លាបព្រាកាហ្វេ

· ស្ករស កន្លះស្លាបព្រាកាហ្វេ

· ម្សៅស៊ុប ១ ស្លាបព្រាកាហ្វេ

· ស៊ុបមាន់ ឬ ពងទា ១ ស្លាបព្រាបាយ

· ខ្ទឹមបារាំងហាន់ម៉ត់ៗ ១ ស្លាបព្រាកាហ្វេ

· ខ្ញីចិញ្ច្រាំ ១ ស្លាបព្រាកាហ្វេ

· ម្សៅមី ១ ស្លាបព្រាកន្លះ

វិធីធ្វើ

1. លាងតៅហ៊ូអោយស្អាត រួចហើយបំបែកវាអោយទៅជាដុំតូចៗ ទុកប្រើការ ។

2. ចិញ្រ្ចាំសាច់ជ្រូកអោយម៉ត់ រួចហើយយកទៅច្របល់លាយជាមួយនិងតៅហ៊ូ ចាក់គ្រឿងផ្សំរសជាតិចូល ហើយលញ់ជាដុំមូល និងប៉ាតកំទេចនំប៉័ងពីក្រៅជាការស្រេច

3. លាងសាលាដ៏អោយស្អាត ដោយប្រឡេះជាធាងៗ រួចហើយយកទៅក្រាលទ្រាប់នៅលើបាតចាន ។ រីឯប៉េងប៉ោះ ហាន់ជាបន្ទះៗ ទុកប្រើការ ។

4. ដាក់ខ្លាញ់ ឬប្រេងឆា ចូលក្នុងខ្ទះ ល្មមអាចបំពង ដុំតៅហ៊ូបាន។ រង់ចាំខ្លាញ់ហុយផ្សែង ចាំចាក់ដុំតៅហ៊ូចូល បំពងរហូតទាល់តែឆ្អិនល្អ ទើបស្រង់ចេញដាក់ក្នុងចាន ពីលើទ្រនាប់សាលាដ៏ ។ រីឯបន្ទះប៉េងប៉ោះ យកទៅតម្រៀត នៅជុំវិញគេមចានជាការស្រេច ។ សូមភ្លក់ទាំងអស់គ្នា ។